"Барселона" ҳужумчиси Лионель Месси Альфредо ди Стефано номидаги совринни қўлга киритди. Бу соврин мавсумнинг энг яхши футболчисига аталади.
Аргентиналик иқтидорли футболчи бу совринга учинчи бора лойиқ кўрилмоқда. У "Реал" ҳужумчиси Криштиану Роналду ва жамоадоши Хави Эрнандесларни ортда қолдирди.
Эслатиб ўтамиз, Marca ушбу совринни 2007/08 йилги мавсумдан беришни бошлаганди. Унинг биринчи соҳиби "Реал" ҳужумчиси Рауль бўлган. Кейин эса бу совринни фақат Месси ютиб келмоқда.
Айтиб ўтиш жоиз, жюри азоларининг орасида Андони Субисаррета, Эмилио Бутрагеньо, Фабио Капелло, Луис Суарес каби таниқли инсонлар бор.
|